Plantun de Prouvènço

Pèr coumpara dos planto d'encò nostre

Salix caprea & Anemone narcissiflora

Amarinas

Salix caprea

Salicaceae

Àutri noum : Gourret, Gourrié, Gourro.

Noms en français : Saule marsault, Saule des chèvres.

Descripcioun :
L'amarinas es un aubret o un pichot aubre (fin qu'à 8 m d'aut) gaire coumun au nostre aleva au levant de Prouvènço. Se recounèis à si fueio larjo, verdo dessubre e pelouso, blanco, dessouto. Quouro es un aubret se pòu engana emé l'orle, Salix cinerea mai pèr aquéu si fueio soun larjo vers lou bout alor que pèr l'amarinas, lou mai larg s'atrobo au mitan. En mai d'acò l'orle èi pelut sus li ramo. Coumpara emé l'orle.

Usanço :
Lou bos, dur, servié pèr la fabricacioun d'óutis pèr lou travai di champ : dènt de rastèu, palissoun, poustèu... Tóuti li rusco de sause caupon de salicino que douno d'acide salicilì dins lou cors, ço qu'ajudo à abeissa li fèbre.

Port : Aubre
Taio : 1,5 à 8 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Salix
Famiho : Salicaceae

Ordre : Malpighiales

Coulour de la flour : Jauno
Petalo : ges
Ø (o loungour) enflourejado : 4 à 5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero - Bos umide
Estànci : Mesoumediterran à Mountagnard
Couroulougi : Éurasiatico
Ref. sc. : Salix caprea L., 1753

Chamoussèu

Anemone narcissiflora

Ranunculaceae

Àutri noum : Chamoussel, Chaboussel.

Nom en français : Anémone à fleurs de narcisse.

Descripcioun :
Lou chamoussèu (Ubaio) trachis dins li pelouso e li prado de mountagno sus cauquié. Flouris belamen en brout (oumbello) blanco dessuto e un pau roso dessouto. La planto èi pulèu forto e peludo amé de fueio telado di tros redoun en rai vers lou deforo.

Usanço :
Coume tóuti lis anemouno, es uno planto empouisounanto.